Kalaallit Nunaanni ilinniarfiit
Saviminilerinermik Ilinniarfik, Nuuk
Tassani ilinniartinneqartarput ilaatigut saffiuut, motoorilerisut, svejserisut, nunalerutinik iluarsaasartut, usisaatinik iluarsaasartut, nunakkut angallassissutinik iluarsaasartut, biilinik iluarsaasartut, cykelmekanikerit, timmisartunik iluarsaasartut, marinemotor aamma snescooter mekanikerit, innaallagisserisut, IT-ikiortit, datafagteknikerit, radio-tv-fagteknikerit, elektronikfagteknikerit, automekanikerit, allaffinni atortulerisut, elektrofagteknikerit, film aamma tv produktionsteknikerit assistentillu, quersualerisut assartuisullu, nussugassalerisut, quersuarmi ikiortit aamma assartugaserisut.
Saffiuunut, automekanikerinut, maskinteknik, umiarsuarmi teknik, køleteknik, elteknik aamma automamekanikinut pikkorissartitsisoqarlunilu ilinniartitsisoqaqqittarpoq.
Saviminilerinermik Ilinniarfik pillugu paasisaqarnerorusukkuit nittartagaq una takusinnaavat: www.jernmetalskole.gl aamma www.kti.gl
Sanaartornermik Ilinniarfik, Sisimiut
tassunga ilanngullugu Teknikikkut ilinniarnertuunngortoorniarfik
Tassani ilinniartinneqartarput ilaatigut sanasut/pequsiortut, ruujorilerisut,
illunik qalipaasartut aamma qaartiterisut entreprenørillu.
Ukununnga pikkorissaasoqartarpoq: toqqavissanut kuutsiviliorneq, qalialiorneq, teknik atorlugu ussissaaneq, kiassaatinik uuliatortulerineq, paaviaaneq, glasfiberiliineq aamma umiatsianik aserfallatsaaliineq.
Sanaartornermik Ilinniarfik pillugu paasisaqarnerorusukkuit nittartagaq una takusinnaavat: www.sanilin.gl aamma www.kti.gl
2011-mi januarip aallaqqaataani Saviminilerinermik ilinniarfik aamma Sanaartornermik ilinniarfik kattupput, tamatuma kingunerisaanik ilinniarfiit pineqartut ataatsimik ittoqalerput ataatsimillu siulersuisoqalerlutik. Kalaallit Nunaanni Teknikimik Ilinniarfimmik taaguuteqalerluni tuluttut Tech College Greenlandimik taaguuteqarpoq.
Niuernermik Ilinniarfik, Nuuk aamma Qaqortoq
Tassani ilinniartinneqartarput ilaatigut niuernerup allaffissornerup iluani assistentit, HHX, akademikerisut ilinniarnerit, nunani tamalaani niuerneq nittarsaanerlu, Aningaasanik nukissanillu aqutsineq, Aningaasaqarnermik Siunnersuineq, IT-mik aqutsineq, inatsisinut tunngasunik suliaqarneq, Serviceøkonom I takornariaqarnermik immikkut sammisaqartoq, aningaasarsiorneq aamma ilitsersuisut.
Niuertarfinni allaffinnilu sulisunut ilinniaqqinnerit aamma akademimerkonomitut pikkorissarnerit kiisalu sulianik sammisunik arlalinnik pikkorissaasoqartarpoq.
Niuernermik Ilinniarfiit pillugit paasisaqarnerorusukkuit nittartakkat uku takusinnaavatit: www.ninuuk.gl aamma www.niqaq.gl
Inuussutissalerinermik Ilinniarfik INUILI, Narsaq
Tassani ilinniartinneqartarput ilaatigut igasut, saqisut, saaffiginnittarfimmiut, nersutinik toqoraavimmi sulisut, iffiortut, iggavimmi ikiortit, cafeteriami kantiinamilu ikiortit aamma akunnittarfinni takornariartitsinermilu ikiortit.
Inuussutissalerinerup iluani nalinginnaasumik inuussutissalerinermik, nioqqutissiornermik avatangiisillu pillugit ilinniaqqinnerit neqeroorutigineqartarput.
Inuili pillugu paasisaqarnerorusukkuit nittartagaq una takusinnaavat: www.inuili.com
Imarsiornermik Ilinniarfik, Nuuk
Tassani ilinniartinneqartarput ilaatigut aalisariutini naalagaassat 1. aamma 3. grad kiisalu kystskipperit.
Imarsiortunut naalagassatullu ilinniarsimasunut arlalinnik ilinniartitsisoqaqqittarpoq kiisalu nuannaariutinik angallataatilinnut yacktskipperinullu atuartitsisoqarluni misilitsitsisoqartarluni.
Imarsiornermik Ilinniarfik pillugu paasisaqarnerorusukkuit nittartagaq una takusinnaavat: www.imarsiornermik.gl
Umiarsuarnik isumaginninnermik ilinniartitaanerit, Royal Arctic Line A/S aamma Aarhus Eksport akademi eller Vejle Handelsskole, Grønland og Danmark
Tassani ilinniartinneqartarput ilaatigut Shippinngimik ilinniarneq, Akademimerkonomit, Allaffimmiut, IT-Support, Nunalerutinik iluarsaasartut, Quersualerisut assartuisartullu, Saffiuut, Assartugalerisut, Skibsofficerit, Skibsmekanikerit aamma Umiarsuarni igasut.
Perorsaanermik Ilinniarfik, Ilulissat
Tassani ilinniartinneqartarput ilaatigut Perorsaasut, Socialassistentit aamma Isumaginninnermi ikiortit. Perorsaanerup allallu isumaginninnermi perorsaanerup iluani sulisunut allanut ilinniartitseqqinnerit neqeroorutigineqartarput.
Perorsaanermik Ilinniarfik pillugu paasisaqarnerorusukkuit nittartagaq una takusinnaavat: www.pi.sps.gl
Peqqissaanermik Ilinniarfik, Nuuk
Tassani ilinniartinneqartarput ilaatigut Peqqissaasut, Peqqissaanermik suliaqartut, Peqqinnissamut assistentit, Peqqinnissamut ikiortit aamma Portørit annaassiniartartut.
Paaqqutarinninnerup iluani sulisunik ilinniartitseqqinnerit neqeroorutigineqartarput.
Peqqissaanermik Ilinniarfik pillugu paasisaqarnerorusukkuit nittartagaq una takusinnaavat: www.pi.gl
Eqqumiitsuliornermik Ilinniarfik, Nuuk
Assilialiornermut ilinniarfinni, eqqumiitsuliornermi ilinniarfissuarni, atisanik ilusilersuinermut ilinniarfinni assigisaannilu ilinniartutut ingerlaqqinnissamut aningaasatigut tapiiffigineqarnissamik qinnuteqarnissamut pisariaqarpoq.
Politiit Ilinniarfiat, Nuuk
Tassani politiit ilinniartinneqartarput.
Politiinik ilinniartitseqqinnerit neqeroorutigineqartarput.
Politiit Ilinniarfiat pillugu paasisaqarnerorusukkuit nittartagaq una takusinnaavat: www.politi.gl/psk
Upernaviarsummi Nunalerinermik Ilinniarfik, Qaqortoq
Savaatilissatut, tunisassiornissamut gartneritut aamma naatitsivinni gartneritut ilinniartitaanerit ingerlanneqarput.
Upernaviarsummi Nunalerinermik Ilinniarfik pillugu paasisaqarnerorusukkuit nittartagaq una takusinnaavat: www.nunalerineq.gl
Ilisimatusarfik, Nuuk
Ilisimatusarfimmi uku ilinniarneqarsinnaapput Meeqqat atuarfiini ilinniartitsisoq, Oqaluttuarisaanermik Upperisarsiornermik aamma Inuiaqatigiilerinermi Ilinniarnertuunngorniarfinni ilinniartitsisoq, Tusagassiortoq, Nutserisoq, Isumaginninnermik siunnersorti aamma Peqqissaasoq. Inuiaat piorsarsimassusaasalu oqaluttuarisaanerat, Inuiaqatigiilerineq, Oqaasilerineq, Atuakkialerineq Tusagassiuutilerinerlu aamma Upperisarsiorneq ilinniarneqarsinnaapputtaaq.
Ilisimatusarfik pillugu paasisaqarnerorusukkuit nittartagaq una takusinnaavat: www.uni.gl
ARTEK Issittumi Ingeniøri, Sisimiut aamma Lyngby
Issittumi teknologi immikkut sammillugu ingeniøritut ilinniarfik.
Issittumi pissutsit pillugit pikkorissarnerit isumasioqatigiinnerillu ingerlanneqartarput.
Issittumi Ingeniøritut ilinniarfik, ARTEK, pillugu paasisaqarnerorusukkuit nittartagaq unga takusinnaavat: www.sanilin.gl
Ilinniartitaaneq pillugu paasissutissat
Internetikkut nittartakkami SUNNGUmi ilinniartitaaneq pillugu paasissutissat pissarsiarineqarsinnaapput. Sammisat makku pillugit paasissutissat tassani nassaarineqarsinnaapput:
· Ilinniagaqarniarluni qinnuteqarneq
· Ilinniagaqarnersiutit
· Kalaallit Nunaanni ilinniartitaanermut akueritinneq
· Danmarkimi ilinniartitaanermut akueritinneq
· Kalaallit Nunaata Danmarkillu avataani ilinniagaqarniarluni periarfissat
· Tunniussiffissatut killissarititat, akissuteqarfissatut nalunaarfissarititat il.il.
· Qinnuteqarnissamut immersuiffissat ilitsersuutillu qarasaasiakkut aaneqarsinnaasut
· Kalaallit Nunaanni ilinniarfiusinnaasut nalunaarsorsimaffiat
· Danmarkimi ilinniarfiusinnaasut nalunaarsorsimaffiat
Qulaani pineqartut sukumiinerusumik uani takuneqarsinnaapput: www.sunngu.gl